Inndata-tagger: Lær spansk i Cartagena, Vertsfamilier, språk, Island, Uttalelser

Ég valdi Nueva lengua spanish school í Cartagena vegna þess að mig langaði að búa í spænskumælandi borg og læra spænsku. Eftir að hafa skoðað mismunandi skóla á google leist mér best á Nueva Lengua þar sem skólinn fékk góð meðmæli og nemendafjöldi í hverjum bekk er talsvert lítill eða um 3-XNUMX. Að auki er mjög heitt í Cartagena og það heillaði nokkuð mikið. Einnig var í boði að skipta á milli borga og stunda nám við Nueva lengua í Bogota og Medellin.Skólinn er frábær! Kennararnir þekkja þig með nafni og vilja að þú lærir. Þeir leggja sig fram við að kenna þér spænskuna og vilja að þér líði sem best. Það hentar mjög vel að nemendafjöldi í hverjum bekk er á bilinu 5-8 og stundum færri. Ég kunni ekki neitt í spænsku þegar ég hóf nám í skólanum og eftir 5 mánuði gat ég haldið uppi samræðum og bjargað mér án nokkurrar utanaðkomandi hjálpar í samfélagi þar sem eingöngu er töluð spænska. Það má með sanni segja að ég sé hrein afurð skólans í spænsku.Fyrstu tvær vikurnar voru hrikalega erfiðar þar sem ég kunni ekki neitt í spænsku og þurfti á mikilli hjálp að halda. Skólinn var erfiður og krefjandi þar sem kennararnir töluðu nær eingöngu spænsku í tímum. Mér leið hinsvegar alltaf vel. Mikið af fólki kom frá Evrópu og Ameríku til þess læra spænsku. Það voru allir mættir með það sama að markmiði og fólkið var á öllum aldri. Það er erfitt að lýsa þessari tilfinningu þar sem allir eru opnir og tilbúnir að kynnast og vinna saman að settu markmiði. Þetta var svona svipað og að byrja í menntaskóla, nema að samnemendur mínir voru á bilinu 3-16 ára.

Í einu orði sagt: „Æðislegt“!Í hverri viku eru skipulagðir viðburðir eftir skóla á þriðjudegi og fram til föstudags. Þessir viðburðir eru allt frá danstímum, kennslu í kólumbískri matargerð, gönguferðir um borgina og eyjarferðir eða strandarferðir. Þar sem ég var að vinna að lokaverkefninu í háskólanum mínum hafði ég ekki mikinn tíma aflögu til að njóta viðburðanna á vegum skólans. Hins vegar var ég duglegur að mæta í danstíma og má segja að ég sé orðinn vel fær til að dansa á skemmtistöðunum í Cartagena. Kólumbíska fjölskyldan mín úti í Cartagena var algjörlega frábær og það var erfitt að fara frá þeim. Hún var talsvert stór og að auki var pláss fyrir nokkuð marga nemendur. Á tímabili voru 8 nemendur sem dvöldu hjá þessari fjölskyldu. Það var eingöngu töluð spænska í húsinu sem virkilega ýtti mér út á ystu nöf og neyddi mig til þess að læra tungumálið og held ég að sé stór ástæða fyrir því að ég náði fljótt tökum á tungumálinu. Heilt yfir var húsið mjög þrifalegt, máltíðirnar mjög góðar og leið mér alveg hreint yndislega hjá þessu góða fólki. Það er klárt mál að ég heimsæki Cartagena aftur við fyrsta tækifæri og kasta kveðju á fólkið sem hefur fætt mig í þrjá mánuði.

Denne artikkelen ble opprinnelig skrevet i islending